Xaricdə təhsil almaq istəyən gənclərin tez-tez üstünlük verdiyi ölkələrdən biri olan Polşa keyfiyyətli təhsili və yüksək həyat standartları ilə seçilir. Avropanın ortasında bir çox mühüm ölkələrə çox yaxın olan Polşa, universitet imkanları sayəsində tələbələrə yeni imkanlar və təcrübələr də təqdim etməkdədir. Polşada universitet təhsili Avropa universitetlərində bakalavr və magistr təhsili almaq istəyən tələbələr üçün ideal seçim kimi seçilir ki, bu da onların həyatlarının qalan hissəsini istiqamətləndirəcəkdir.
Çoxlu sayda universiteti olan Polşa keyfiyyətli təhsili ilə Avropada qeyd olunan ölkələrdən biridir. Paytaxt Varşava başda olmaqla, müxtəlif şəhərlərdə yerləşən bir çox universitet dünyanın ən reytinqli universitetləri sırasında göstərilir. Proqram müxtəlifliyi baxımından da çox zəngin olan bu ölkədə tibb, biznes, hüquq, mühəndislik və marketinq kimi bir çox fərqli sahədə təhsil ala bilərsiniz.
Xaricdə təhsil suallaranızı bizə yaza bilərsiz.
Bu gün Polşanın ən yaxşı universitetləri xarici tələbələri, xüsusən də ingilis dilində bakalavr və magistr proqramları ilə cəlb edərkən, Polşada mühəndislik, tibb, elm və iqtisadiyyat kimi sahələr çox populyardır. Bəs, dünyanın ən yaxşı təhsil sistemlərindən birinə malik Polşada yerli tələbələrimiz hansı universitetlərdə təhsil almağa üstünlük verirlər? Təfərrüatlar məqaləmizdə.
WSB Academy
Polşanın cənubunda Katowice və Krakov kimi iki böyük şəhər mərkəzi arasında yerləşən və azərbaycanlı tələbələrin də Polşada təhsil almaq üçün ən çox müraciət etdiyi WSB Universiteti ölkənin ən tanınmış biznes və informasiya texnologiyaları universitetlərindən biridir. 1995-ci ildə əsası qoyulan WSB Universiteti tələbələrin təhsili, tədqiqatların aparılması və dövlət iqtisadiyyatı ilə əməkdaşlıq sahəsində bir neçə illik təcrübəyə malikdir.
Xaricdə təhsil suallaranızı bizə yaza bilərsiz.
Fəaliyyətə başladığı gündən 300 000 məzun Avropa əmək bazarına daxil olmağa imkan verən praktiki və nəzəri biliklərə yiyələnib. WSB Universiteti beynəlxalq tələbə namizədlərinə mühəndislik üzrə bakalavr, magistr və doktorantura proqramları təklif edir və namizəd tələbələr 15 təhsil sahəsindən və 126-dan çox ixtisasdan birini seçə bilərlər.
Vistula University
Vistula Universiteti Polşanın ən yaxşı və yerli tələbə namizədlərimiz tərəfindən ən çox seçilən özəl universitetlərdən biridir. 1996-cı ildə Varşava şəhərində İqtisadiyyat və Kompüter Elmləri Ali Məktəbi kimi təsis edilib və 2011-ci ildən etibarən isə Vistula Universiteti olaraq adlandırılır. Avropanın ən sürətlə inkişaf edən paytaxt şəhərlərindən birində yerləşən Vistula Universiteti unikal beynəlxalq atmosferə və 4 qitədə 26-dan çox ölkədən gələn beynəlxalq tələbələrə malikdir.
Xaricdə təhsil suallaranızı bizə yaza bilərsiz.
2011-ci ildə Wprost reytinqində Vistula Universiteti Polşanın ən yaxşı milli universitetlərindən biri olmaqla 8-ci yeri tutmuşdur. Universitet həm yerli, həm də beynəlxalq əmək bazarında müasir biliklərə malik və işəgötürənlərin gözləntilərinə cavab verən yüksək ixtisaslı mütəxəssislərin hazırlanmasına görə Ambasadora Polskiej Nauki adını və nüfuzlu Uczelnia Lider sertifikatını (Liderlər Məktəbi) alıb.
University of Warsaw
1816-cı ildə Polşanın paytaxtı Varşava şəhərində yaradılan Varşava Universiteti ölkənin ən böyük və ən qədim, eyni zamanda ən prestijli universitetlərindən biridir. Tədrisin əksəriyyəti polyak dilində olsa da, universitet ingilis dilində tədris olunan 20-dən çox proqram təklif edir. İqtisadiyyat, biznes və siyasət elmləri kimi təhsil proqramlarının təklif edən universitetin təxminən 45.000-dən çox tələbəsi var.
Xaricdə təhsil suallaranızı bizə yaza bilərsiz.
Varşava Universitetinin əsas kampusu şəhərin mərkəzində yerləşir və bir neçə tarixi saraydan ibarətdir. Görkəmli məzunlar yetişdirən universitetin 4 məzunu, o cümlədən fizik Cozef Rotblat və İsrailin keçmiş baş naziri Menahem Beqin Nobel mükafatı laureatıolub. Digər görkəmli məzunlar arasında bəstəkar Frederik Şopen və İsrailin baş qurucu naziri David Ben-Qurion da var.
