Almaniya xaricdə təhsil almaq istəyən tələbələr üçün dünyanın ən yaxşı təhsil yerlərindən biridir. Bunun ən mühüm səbəblərindən biri dünyanın hər yerindən tələbələrə tətbiq edilən aşağı və ya tamamilə pulsuz təhsil yanaşmasıdır. Dünyaca məşhur universitetləri, füsunkar şəhərləri və iş imkanları ilə şairlər və mütəfəkkirlər diyarı kimi tanınan Almaniyada pulsuz təhsil almaq tələbələr üçün cəlbedici seçimdir. Bu məqaləmizdə Almaniyada təhsil və yaşam xərcləri haqqında faydalı bələdçi hazırlamışıq.
Xaricdə təhsil suallaranızı bizə yaza bilərsiz.
Almaniya Universitetlərində Təhsil Haqqı Nə Qədərdir?
Digər dünyaca məşhur universitetlər kimi ölkədəki özəl universitetlər də yerli və beynəlxalq tələbələrdən təhsil haqqı alırlar. Almaniyada özəl universitet qiymətləri orta hesabla bakalavr dərəcəsi üçün illik 26.000 avro, magistr dərəcəsi üçün isə 40.000 avro təşkil edir, MBA və ya mühəndislik proqramları ən bahalıdır. Ölkədəki özəl universitetlər pulsuz təhsil təklif edən dövlət universitetləri ilə potensial rəqabət yaradaraq ixtisaslaşdırılmış proqramları ilə tanınırlar.
- Munich Business School: 24.000€
- Karlsruhe Institute of Technology: 17.310€
- GISMA Business School: 20.000€
Almaniyada magistr dərəcələri iki qrupa bölünür: ardıcıl və ardıcıl olmayan. Ardıcıl magistr dərəcələri bakalavr təhsili ilə əlaqəli bir ixtisasa uyğundur və bu proqramlar üçün təhsil haqqı yoxdur. Ardıcıl olmayan magistr dərəcələri fərqli bir ixtisasa və təcrübə sahəsinə diqqət yetirdiyi üçün bu proqramlar üçün ödəniş 3.000 avroya qədər ola bilər. Əgər magistraturadan sonra doktoranturaya davam etmək istəyirsinizsə, dövlət universitetlərində ödəniş yüksək deyil.
Xaricdə təhsil suallaranızı bizə yaza bilərsiz.
Bəs, Almaniyada Yaşam Xərcləri Nə Qədərdir?
Almaniya təhsil haqları nəzərə alındıqda dünyanın ən ucuz ölkələri arasında olsa da, yaşam xərcləri hələ də qaçınılmaz bir reallıqdır. Bununla belə, Almaniyanın paytaxtı Berlin və ya Münhen kimi şəhərlər London və Nyu-York kimi məşhur şəhərlərdən daha sərfəli seçimlərə malikdir. Ümumilikdə, Almaniyada beynəlxalq tələbələr üçün yaşayış, yemək, nəqliyyat və digər hesablar daxil olmaqla, yaşam xərcləri ayda orta hesabla 700 avro ilə 1000 avro arasında dəyişir.
Almaniyada sənaye şəhərləri iş imkanlarına görə tələbələr üçün bir qədər bahadır. Ölkənin ən bahalı şəhəri sayılan Münhendə ildə orta hesabla 12.000 avroya qədər pul xərcləyə bilərsiniz. Başqa bir bahalı şəhər olan Ştutqartda mənzil kirayə verərkən qiyməti 850 avroya qədər, Bremendə 560 avroya və Frankfurtda isə 330 avroya düşür.
Xaricdə təhsil suallaranızı bizə yaza bilərsiz.
