Bu gün hər birimiz üçün ən qiymətli və ən məhdud dəyər zamandır. İngilis dilini öyrənmənin zərurət olduğu müasir dünyada insanların arzuladığı başqa bir şey də “İngilis dilini necə daha sürətli öyrənə bilərəm?” sualının cavabını tapmaqdır. Həyatın zamanla yarış olduğunu nəzərə alsaq, ingilis dilini öyrənməyə vaxt itirməmək lazımdır. Bu məqaləmizdə isə biz sizin üçün ən asan və sürətli ingilis dili öyrənmə üsullarını bir araya gətirmişik və gəlin birlikdə bu texnikalara nəzər salaq!
1. Sözləri deyil, söz qruplarını və birləşmələri öyrənin
İngilis dilində və bütün digər dillərdə sözlər öz-özlüyündə nəyisə ifadə edir, lakin birlikdə deyildikdə tamamilə fərqli məna kəsb edə bilirlər. Bu səbəbdən ingilis dilini öyrənərkən sözlərin ən çox istifadə olunduğu digər söz və ya ifadələri öyrənmək ingilis dilini daha sürətli öyrənməyə kömək edəcəkdir. İngilis dilində yeni bir söz öyrənərkən, cümlələr quraraq və söz qrupları ilə müxtəlif birləşmələrdə istifadə etməklə öyrənmək həm daha sürətli öyrənmənizə kömək edəcək, həm də öyrəndiyiniz məlumat daha faydalı olacaqdır. Çünki düzgün istifadə edə bilmədiyimiz ingilis sözü əslində heç nə ifadə etmir. Burada gündəlik istifadə etdiyiniz əşyaların üzərinə ingiliscə yazmaq da lüğət öyrənmənizi sürətləndirəcək üsullardan biridir.
2. Çoxlu ingilis dilində dinləmə məşqləri edin
Dili dinləyərək öyrənmək, alimlər bunu gizli dil öyrənilməsi hesab edirlər. Bu səbəbdən gün ərzində ingilis dilini dinləmək ingilis dilini daha sürətli öyrənmənizə kömək edən ən vacib addımdır. İngilis dilində dinləmək, biz onu öyrənməyə cəhd etməmişdən əvvəl ingilis dilini öyrənməmizi sürətləndirir. Dinləməklə dillərin qəliblərini eşidirik və bu yolla hətta mənasını bilmədiyimiz sözləri də cümlədən çıxararaq mənalandıra bilirik. Bu mərhələdə edəcəyimiz şey ingilis dilini gündəlik həyatımıza əlavə etməkdir. Beləliklə, siz sadəcə dinləməklə ingilis dili öyrənməyə töhfə verəcəksiniz və ingilis dilini daha sürətli öyrənməyə başlayacaqsınız. Xüsusilə yuxuya getməmişdən əvvəl başa düşəcəyiniz səviyyədə ingilis dilini dinləmək zehninizin bütün gecə işləməsinə səbəb olacaq və ingilis dilini daha tez öyrənəcəksiniz.
3. Keyfiyyətli, etibarlı və uğurlu kurslara müraciət edin
İngilis dili kursu ingilis dilini öyrənmək istəyənlər üçün mühüm investisiyadır. İngilis dili kursu variantlarını araşdırmazdan əvvəl özünüzdən niyə ingilis dilini öyrənmək istədiyinizi soruşun və məqsədlərinizin siyahısını tərtib edin. Məqsədiniz nitqin də vacib olduğu IELTS və TOEFL kimi imtahanlara hazırlaşmaqdırsa, ilk növbədə etibarlı və uğurlu dil məktəbinin kurslarına qatılaraq ümumi ingilis dili səviyyənizi və danışıq qabilibiyyətinizi artırın.
Əgər məqsədiniz ingilis dilində danışmaqdırsa, bu belə də olmalıdır, AzStudy kimi təcrübəli təhsil mərkəzinin kurslarından yararlana bilərsiniz. Beynəlxalq standartlara əsaslanan təhsil sistemi və sərfəli qiymətləri ilə keyfiyyətli dil təhsili ala bilərsiniz.
4. İngilis dilini danışaraq öyrənin
İngilis dilində danışmaqdan çəkinməyin. Tapdığınız hər fürsətdə xarici dildən istifadə edə biləcəyiniz insanlarla görüşməyə çalışın. Danışaraq öyrənmək dilin ən sürətli inkişafını təmin edəcək ən mühüm mövzudur. Zamanla nə qədər inkişaf etdiyinizin şahidi olacaqsınız. Müraciət etdiyiniz dil kurslarının tədris proqramlarında danışıq dərslərinə nə qədər önəm verdiklərini də diqqətə almalı olduğunuz ən vacib məsələlərdən biridir. Unutmayın ki, dili ən qısa zamanda öyrənməyin ən effektiv metodlarından birincisi danışaraq öyrənməkdir.
5. Qrammatikanı ingilis dilini öyrənmək üçün maneə kimi görməyin
İngilis dilini daha sürətli öyrənməyin asan yollarından biri də dilin qrammatikasını öyrənməkdir və qrammatikanı ingilis dilini öyrənmək üçün maneə kimi görməyi dayandırın. Əksinə qrammatik qaydaların arxasında duran məntiqi dərk etməyə diqqət edin və nümunələri əzbərləmədən qavramağa çalışın. Qrammatik biliklərinizi təkmilləşdirərkən, oxuduğunuz zaman rastlaşdığınız cümlələrin strukturlarını nəzərdən keçirin, öyrəndiklərinizi möhkəmləndirin və yaradacağınız öyrənmə gündəliyində qeydlər alaraq ingilis dilini öyrənmə vərdişlərinizi asanlaşdırın.
